«Таза Қазақстан»: AULAFIT әлеуметтік жобасының қатысушылары экологиялық акцияны қолдады
![«Таза Қазақстан»: AULAFIT әлеуметтік жобасының қатысушылары экологиялық акцияны қолдады](/img/articles/846861b56131727bde85855ec84b8eb7.jpeg)
Астанада қала тұрғындарына жаттықтырушымен бірге тегін және тікелей өз ауласында спортпен шұғылдануға мүмкіндік беретін AULAFIT әлеуметтік жобасы жалғасып жатыр. Бүгін жоба қатысушылары таңғы жаттығуды экоакцияны қолдау мақсатында ерекше өткізді, деп хабарлады Elorda.info.
Таңғы жаттығуға жиналған астаналықтар сенбілікке қажетті спорттық жабдықтармен түрлі жаттығу жасап, қалада өтіп жатқан «Таза Қазақстан» экологиялық акциясын қолдайтындарын білдірді.
AULAFIT әлеуметтік жобасының жетекшісі Айтжан Мусиннің сөзінше, алдағы уақытта өзге аулаларда да таңғы және кешкі жаттығу барысы қызықты өткізілмек.
«Бұл жоба осыдан төрт жыл бұрын бастау алып, еліміздің түкпір-түкпірінде кеңінен жүзеге асырыла бастады. Айтулы жоба арқылы қала тұрғындары жаттықтырушымен бірге тегін әрі өз үйінің ауласында спортпен шұғылдана алады. Оның аясында жаттықтырушылар күнделікті әр аулаға барып, футбол, баскетбол, волейбол сияқты командалық ойындар бойынша және жалпы физикалық дайындық бойынша жаттығулар жүргізеді. Қатысам деушілердің жасына шектеу қойылмайды. Бүгіннен бастап барлық аула тұрғындары «Таза Қазақстан» ауқымды экологиялық акциясын қолдау мақсатында жаттығудан кейін аулаларын жинастырады. Одан бөлек жаттығу барысын да ерекше өткізді. Алдағы уақытта бұл үрдіс барлық аулада жалғасын табады», - дейді А.Мусин.
Бүгінде әлеуметтік жоба елордадағы 30 аулада жүзеге асып жатыр. Оған 3 мыңнан астам қала тұрғыны қатысып, күнделікті спортқа деген белсенділігін көрсетіп жүр. Солардың бірі – 66 жастағы Әділет Ерғалиева. Елорда тұрғыны жоба басталғалы таңғы және кешкі жаттығуларға тұрақты түрде қатысып келеді.
«Мен екі жұмадан бері, яғни осы жоба басталғалы таңғы жаттығуға қатысып жүрмін. Өте керемет жоба. Осында келіп, дене жаттығуларын жасаймыз. Әдетте үйде отырғанда мұндай жаттығуларды ескермейміз, дегенмен денсаулық үшін спортпен айналысу маңызды. Сондықтан да бұл жоба біз сияқты апаларға өте пайдалы. Бәріміз таңертең және кешке бір сағат бойы спортпен шұғылданамыз.
Жаттықтырушымыз – Жантөре мәдениетті және сыпайы жігіт. Ол бізге жаттығуды қалай дұрыс жасау керек екенін түсіндіріп, үйретіп жатыр. Біз апалар болып жоба ұйымдастырушыларына және жаттықтырушымызға рақмет айтамыз», - дейді Әділет Ерғалиева.
Айта кетейік, таңғы жаттығуға қатысушылар одан кейін аула аумағында тазалық жұмысын жасады.
Жалпы елордалықтар жаттықтырушымен тегін және тікелей аптаның әр дүйсенбі, сәрсенбі және жұма күндері қаланың 15 жерінде, ал сейсенбі бейсенбі, сенбі күндері өзге 15 аулада спортпен шұғылдана алады.
![](/img/articles/5bae1ea354889e54cb3a6e2bb707d37b.jpeg)
![](/img/articles/cb51d80c2544f40d3b3252af4897057e.jpeg)
![](/img/articles/2a232e2fd64d9110f856f901cdcd094d.jpeg)
![](/img/articles/009acca1b8e220e116ffecb419cd2591.jpg)
![Елордада Ұлттық ұланның жедел құрамы 700 сарбазбен толықты](/img/articles/5bae1ea354889e54cb3a6e2bb707d37b.jpeg)
![Көлік министрлігі Астана әуежайындағы рейстердің кешігу себебін түсіндірді](/img/articles/cb51d80c2544f40d3b3252af4897057e.jpeg)
![Астанада Елорда күніне орай 100-ге жуық іс-шара өтеді](/img/articles/2a232e2fd64d9110f856f901cdcd094d.jpeg)
![Астана полициясы күшейтілген жұмыс режиміне көшті](/img/articles/009acca1b8e220e116ffecb419cd2591.jpg)
![Астанаға жаңа 100 автобус жеткізілді](/img/articles/f3a7fb42079091acaebd721dd1a75710.jpeg)
![Астанада төрт автобустың қозғалыс бағыты өзгерді](/img/articles/583f81cf25bbb6fcf67db4b8478baf83.jpg)
![Мәңгілік ел даңғылының бір бөлігі жабылады](/img/articles/cc689b2e97ba8aaf1113108b51c09d72.jpg)
![Астана аумағына автокөліктердің кіріп-шығуына шектеу қойылатыны рас па](/img/articles/fd010adbf47b75ce85224a02abc41fe2.jpg)
![Жеңіс Қасымбек БАҚ өкілдерін кәсіби мерекелерімен құттықтады](/img/articles/7d9f0bf4e85c81e8966056064b85d8d0.jpg)
![Елордада электросамокатпен жүруге тыйым салынады](/img/articles/f5fdaa1e409c7e95643537d18ffb3c98.jpeg)
![Елорда іргесіндегі Көктал қалай дамып жатыр?](/img/articles/uploads/Whats_App_Image_2023_10_09_at_18_05_18_kopiya_1e2396a307.jpeg)
![Астанада 1 маусым – Балаларды қорғау күні қандай іс-шаралар өтеді?](/img/articles/uploads/balalarr_305fdbed74.jpg)
![Астанада мектеп жанындағы жазғы лагерьлер жұмысын бастады](/img/articles/e6f9729929141c1f91e52a0e66f63d04.jpeg)
![Елорда мектептері жаңа оқу жылына дайын](/img/articles/uploads/Whats_App_Image_2023_08_29_at_12_17_26_7e03ee38ca.jpeg)
![Астанадағы мектепке Рақымжан Қошқарбаевтың есімі берілді](/img/articles/74110ea15444c213ba0b4d266d0720fa.jpg)
![«JASYL EL» еңбек жасақтарына қосылуға өтінім қабылдау басталады](/img/articles/uploads/627f2ec888e48374562518_47d31e1773.jpeg)
![Адал еңбек нәтижеге жеткізеді – полиция майоры](/img/articles/8bb68eeea52450bef148a63e3365bee4.jpg)
![Астанада жолақысы қашан өзгеретіні белгілі болды](/img/articles/67fdb0accfe7db8cb69915448336d432.jpg)
![Астанада 500-ден астам мәдениет қызметкері қошқар мүйіз оюын бейнеледі](/img/articles/uploads/Whats_App_Image_2024_03_18_at_12_18_54_ec361d6ad8.jpeg)