Сарайшық көпіріндегі жөндеу жұмыстары қазан айының соңына дейін жүреді

Сарайшық көпірін жөндеу жұмыстары жалғасып жатыр, деп хабарлады Elorda.info.

Бұрын көпірде темірбетон плитасының (тесік) бетонды сілтісіздендіру түріндегі ақаулар табылған. Автомобиль көпірінің бір бөлігінде жөндеу жұмыстары аяқталды.

16 қыркүйектен қазан айының соңына дейін көпірдің екінші жағында жөндеу жұмыстары жүргізіледі. Осыған байланысты Р.Қошқарбаев даңғылынан бастап Мәңгілік ел даңғылы мен Сарайшық көшесінің қиылысындағы көлік айырымына дейінгі учаскеде автокөлік құралдары үшін қозғалыс ішінара жабылатын болады.

Көпірде ыңғайлы болу үшін екі жаққа да қозғалыс сақталғанын атап өткен жөн. Қала жолдарында кептеліс тудырмау мақсатында елорда тұрғындары мен қонақтарына өз маршруттарын алдын ала жоспарлауға кеңес береміз, – делінген хабарламада.

Естеріңізге сала кетейік, Сарайшық көпіріне жөндеу жұмыстары 12 жыл бұрын жүргізілген болатын. Осы уақыт ішінде үлкен трафиктің арқасында көпірде шұңқырлар пайда болды. Соңғы жылдары елордада 400-ден астам жол жөнделіп, салынды, олардың басым бөлігі қаланың тұрғын үй алаптарында.