ElorDaуыс: Астана және Қазақстанның 17 мамырдағы өзекті жаңалықтары

Нұр-Сұлтанда Жеңіс даңғылының учаскесі жабылды, деп хабарлады Elorda.info. Атап айтқанда, 15 мамырдан 10 маусымға дейін Бөгенбай батыр даңғылынан Ілияс Есенберлин көшесіне дейінгі учаскеде автокөліктер үшін қозғалыс ішінара жабылатын болады. Толығырақ мына сілтеме бойынша оқи аласыздар. 

Қазақстанда АЕК пен ең төменгі күнкөріс деңгейі артты, деп хабарлады Elorda.info. Бұдан былай жәрдемақылар мен өзге де әлеуметтік төлемдерді есептеу үшін айлық есептік көрсеткіш 3 180 теңгені, ал ең төмен күнкөріс деңгейінің шамасы 37 389 теңгені құрайды. Толығырақ мына сілтеме арқылы таныса аласыздар. 

Елорданың Байқоңыр ауданында 16 мамыр мен 15 маусым аралығында «Тұлпар» сауда үйі аумағында бос орындар жәрмеңкесі өтеді, деп хабарлады Elorda.info. Бір ай ішінде жұмыс берушілердің тізімі күн сайын өзгеріп, жаңа компаниялармен толықтырылады. Толығырақ мына сілтемеде.