Елордада Qtalks форматында ерекше іс-шара өтті

Бұл шараны қалалық білім басқармасы мен Білім беруді жаңғыру орталығы ұйымдастырып отыр. Іс-шара елордадағы «Ұстаздар» саябағында өткізілді.

Бүгінгі іс-шара құндылыққа негізделген. Қазіргі таңда оқушылардың бойында құндылықты қалай қалыптастырамыз? Оны қалай дамытуға болады? Осы мақсатта білім басқармасы мен Білім беруді жаңғыру орталығы пайдалы шараларды ұйымдастырып отыр. Енді біз әрқайсысымыз өзіміздің мектебіміздегі  оқушыларға  адамгершілікті, имандылықты, адами құндылықтарды бойына сіңіруді мақсат еттік. Соны қандай жұмыстар арқылы сіңіріп жатырмыз? Сол істерімізді өзге әріптестерімізбен бөлісуге осында келдік.  Мәселен, мектебімізде бір  ай тазалық айы, бір ай имандылық айы бар, - деді 2 Ғафу Қайырбеков атындағы мектеп-гимназиясының директоры Сырым Ботаханұлы.