Оқиға күні Бишімбаевтың анасы да көріпкелге қоңырау шалған

Елордада бұрынғы Ұлттық экономика министрі Қуандық Бишімбаевтың ісі бойынша тыңдау жалғасуда, деп хабарлады Elorda.info.

Бүгінгі отырыста куә Ережепованың айғағы тыңдалды. Ол өзіне қатысты қоқан-лоққыларға байланысты жеке деректерін жария етпеуді талап етті.

Айыпталушы маған екі айда бір рет телефон соғып, жұмысы мен кәсібі туралы сұрап тұрды, өйткені мен тарологпын. 9 қараша күні, түскі астан кейін, сағат 3-4 шамасында маған Бишімбаев телефон соғып, Салтанат екеуінің қатты мас болып, араларында ұрыс-керіс болғанын айтты. Оның даусынан мас екені сезілді, сондықтан мен оның қоңырауына мән бермедім. Сонымен бірге оның бұрынғыдай емес, сөздерін мұқият таңдап отырғаны байқалды. Ол әйелінің жағдайы нашар екенін айтты. Мен: «Дәрігерді шақыр, жедел жәрдем шақыр», - дедім. Бірақ ол маған әйелі туралы карта арқылы қарауды өтінді. Осыдан кейін Бишімбаев өзіне «Салтанатта бәрі жақсы» деп жазуымды талап ете бастады. Соған қарағанда, бұл оны тыныштандыратын сияқты. Мен оған дәрігерлерді шақыруды ұсынғанымда, ол үзілді-кесілді қарсы болып, әйелінің бәрібір есін жинайтынын айтып сендірді. Осыдан кейін телефонды алуды қойдым, — дейді куәгер.

Прокурордың «Сотталушы сізге отбасылық мәселелері бойынша көмек сұрап, жиі жүгінеді ме?» деген сұрағына куәгер мұндай консультациялар үшін сотталушы психологтарға жүгінетінін, ал ондай жағдай көп болғанын айтты.

Куәгер сол күні сағат 19.30-да өзі мен айыпталушының анасы арасында әңгіме болғанын айтты.

Мен Бишімбаевтың анасына ұлының бірдеңе істегенін айттым. «Барып біл. Бір қорқынышты нәрсе болды», - дедім. Жауап ретінде анасы қатты жылай бастады, маған трубканы қоюға тура келді. Мен Салтанаттың қайтыс болғанын келесі күні таңертең білдім, - деді куәгер.

Сондай-ақ ол өзіне әртүрлі нөмірлерден қоңырау шалып, «өлтіремін» деп қорқытып жатқанын айтты.