Жеңілдетілген автонесие бойынша өтінімдерді қабылдау платформасы қашан іске қосылады

Жеңілдетілген автонесие бағдарламасы бойынша өтінімдерді қабылдау платформасының қашан іске қосылатыны белгілі болды. Бұл туралы елордада өткен баспасөз мәслихатында «Өнеркәсіпті дамыту қоры» АҚ басқарушы директоры Ғалымжан Әди мәлім етті, деп хабарлады Elorda.info.

Биылғы 6 ақпанда «Өнеркәсіпті дамыту қоры» АҚ («Қазақстанның Даму Банкі» АҚ еншілес ұйымы) көлік алуға жеңілдікпен пайызы төмен несие беру бағдарламасы бойынша өтінімдерді қабылдау үшін пилоттық платформаны іске қосады, - деді Ғалымжан Әди.

Оқи отырыңыз: Жеңілдетілген автонесиені кез келген адам ала алмайды – автосарапшы

Өтінімдерді қабылдау Астана уақыты бойынша сағат 10:00-де www.autonesie.kz ресми сайты арқылы жүргізіледі. Осы орайда өтінім беру үшін компьютер арқылы электрондық цифрлық қолтаңбаны енгізіп, қосылуға болады. Платформада тек Қазақстан Республикасының аумағында тіркелуге мүмкіндік бар.