«Жәннатта әр еркекке 5000 қыз беріледі»: Мүфтият мәлімдеме жасады

Оқи отырыңыз: Жәннатта әр еркекке 5000 қыз беріледі – медресе ұстазы (ВИДЕО)

Абдулаxад Əбдісаттарұлы бұл уағызды студент кезінде, нақтырақ айтқанда, 2017 жылдың 22 маусымында айтқан. 2018 жылы шілде айында қателігін мойындап, негізі жоқ «хадисті» айтып, қоғамда түсінбеушілік тудырғаны үшін жамағаттан, жалпы тыңдаушылардан кешірім сұрады. Бүгінде А.Сманов ҚМДБ жанындағы «Талаба» студенттер қауымдастығының Сауд Арабия Корольдігі бойынша өкілі. Оны тағайындаудағы мақсат – шетелде діни білім алып жатқан студенттерді деструктивті діни ағымдардың идеологиясынан сақтандыру, жастар арасында ҚМДБ мен мемлекет ұстанымдары туралы тиісті түсіндірме жұмыстарын жүргізу. Діни басқарма өкілі осы бағытта жұмыс істеуде. Абдулахад Смановтың діни сенімі ҚМДБ ұстанымына қайшы келмейтінін мәлімдейміз, - деп жазылған хабарламада.