Бишімбаевтың сотында ағасы Салтанат Нүкенованың суретін көрсетті

Бүгін Қуандық Бишімбаевтың соты онлайн трансляция арқылы берілді.  Онда соққыға жығылған Салтанат Нүкенованың суреттері көрсетілді. Оларды сотқа жәбірленушінің ағасы Айтбек Амангелді әкелді, деп хабарлады Elorda.info.

Ұлттық экономиканың экс-министрі Қуандық Бишімбаевқа қатысты соттың отырысында марқұмның ағасы Айтбек Амангелді соққыға жығылған Салтанат Нүкенованың суреттерін көрсетті. Оның айтуынша, суретті Салтанаттың өзі жіберген.

-Мен телефонымды ашып, телефонымда осындай сипаттағы мына суреттерді көрдім. Мен бұл суреттерді барлығына 20 наурызда болған себеп-салдар әрекеттерінің байланысын түсінуі үшін көрсетіп отырмын. Бұл суреттерді Салтанаттан алдым, ол маған кешкі сағат 22:00-де жіберді. Әрине, Салтанат үшін, оның жағдайы үшін қорықтым, маған жіберді, бірдеңе жазды. Менің бірінші реакциям оған қоңырау шалу болды, - деді Нүкенованың ағасы.

Айтбек Амангелдінің айтуынша, Салтанатқа хабарласа алмағандықтан, Бишімбаевқа телефон соққан.

Мен одан: Не болып жатыр? Неге маған мұндай суреттер келіп жатыр? Не болды? деп сұрадым. Менің тарапымнан әдепсіз сөздер де болды. Ол маған: үйге кел, сөйлесеміз, үйдің алдында талқылаймыз деп жауап берді, - деп жалғастырды Айтбек Амангелді.

Салтанат Нүкенованың ағасының айтуынша, ол келген, бірақ Қуандық шықпаған. Сосын олардың пәтеріне барған. Оған есікті Бишімбаевтың бірінші некедегі қызы ашқан. Кейін пәтерге Қуандықтың өзі келген.

-Екеуміз жанжалдастық, мен одан: "Салтанат қайда?" деп сұрадым, ол: «Білмеймін», - деп жауап берді. Ол мені қолымнан ұстап, шығармақ болды, мен оны итеріп жібердім, сол кезде төбелесіп кеттік, - деді Нүкенованың ағасы сотта.