Іздеу 
қаз
Астана мен Баку арасындағы рейстер саны артады
Елорда ақпарат 
36 
2 маусымнан бастап "Fly Arystan" тасымалдаушысы Қазақстан мен Әзірбайжан астаналары арасында тұрақты жолаушылар рейстерін алғаш рет іске қосады, деп хабарлады Elorda.info.
Рейстер "Эйрбас-А320" әуе кемелерінде дүйсенбі және жұма күндері аптасына 2 рет жиілікпен орындалатын болады. Бұл әуе бағыты бойынша тұрақты рейстерді "Azerbaijan Airlines" әуекомпаниясы аптасына 2 рет жиілікпен орындайды.
Сонымен қатар, қазіргі уақытта Әзірбайжанға тұрақты рейстерді Алматы – Баку бағыттары бойынша "Эйр Астана" әуе компаниясы аптасына 2 рет, Ақтау – Баку "Fly Arystan" және "Azerbaijan Airlines" әуе компаниялары аптасына 3 рет, сондай-ақ Ақтөбе-Баку "Qazaq Air" әуе компаниясы аптасына 2 рет орындайды.
Осылайша, елдер арасында орындалатын тұрақты рейстер саны аптасына 14 рейске дейін артады.
Екі астана арасындағы рейстердің ашылуы екі ел арасындағы сауда-экономикалық, іскерлік, туристік және мәдени ынтымақтастықты одан әрі дамытуға ықпал ететін болады.
