Елордада бір күнде есірткі сатқан 5 адам ұсталды

Полиция қызметкерлері елорда аумағына есірткі заттарын жеткізуді және өткізуді жүзеге асырған қылмыстық топ жұмысының жолын кесті, деп хабарлады Elorda.info.

Топты ұйымдастырушы бұрын сотталған 37 жастағы ер адам болып шықты. Оның пәтерін тінту барысында сатуға дайындалған 8 келі «гашиш», электронды таразы, «зиплок» және 450 000 теңге табылды және тәркіленді. Бұдан әрі жедел-іздестіру іс-шаралары жүргізілді, оның барысында есірткіні сақтаған, буып-түйген және оларды іске асырумен айналысқан қылмыстық топтың тағы екі мүшесі ұсталды.

Полицейлер заңсыз айналымнан 23 келіге жуық есірткі заттарын немесе есірткіні тұтыну үшін 46 мыңнан астам бір реттік дозаны тәркіледі.

Қазіргі уақытта ұсталған адамдарға қатысты қылмыстық істер қозғалды. Барлық ұсталған адам қамауда, тергеу жүргізіліп жатыр.