Биыл өлім көрсеткіші 14 пайызға төмендеді – министр

Ауылда бала өлімі қаламен салыстырғанда 38,7 пайызға төмендеген. Бұл туралы Мәжілісте өткен Үкімет сағатында Денсаулық сақтау министрі Ажар Ғиният айтты, деп хабарлады Elorda.info.

Былтырмен салыстырғанда жалпы өлім көрсеткіші 14 %-ға төмендеді. Ауылдағы ана өлімі биыл соңғы 6 айдың қорытындысы бойынша қалаға қарағанда 2 есе төмен. Биыл нәресте өлімі өткен жылдың сәйкес кезеңімен салыстырғанда ауылдық жерде 30,6%-ға артты. Ауылда бала өлімі қаламен салыстырғанда 38,7%-ға төмен, - деді министр.

Қазіргі таңда еліміздегі ауылдарда 7,8 млн адам тұрады. Бұл ел халқының 41 %-ын құрайды. Ауыл халқының 38%-ы - балалар, 62 %-ы - ересектер. Бала туу жасындағы әйелдер – 1,7 млннан асады.

Айта кетейік, ауыл тұрғындарына 5 мыңнан астам медициналық ұйым, оның ішінде 2 мыңнан астам медициналық пункт, 800 фельдшерлік-акушерлік пункт, 1000-нан астам дәрігерлік амбулатория, 200-ден астам емхана және 203 аурухана медициналық көмек көрсетеді.