Жастар тәжірибесі: жұмыс табу мүмкіндігі

Елордалық Жұмыспен қамту орталығында бүгінгі таңда елімізде Нәтижелі жұмыспен қамту және жаппай кәсіпкерлікті дамыту «Еңбек» бағдарламасы жүзеге асырылып жатқаны айтылды. Оның аясында «Жастар тәжірибесі» ұйымдастырылады және өткізіледі, соның арқасында оқу орындарының түлектері жұмыс табады.

Жастар тәжірибесі туралы не білеміз?

«Жастар тәжірибесі» олардың мамандығы бойынша бастапқы жұмыс тәжірибесін алуға арналған. Оған колледж немесе ЖОО-ны соңғы үш жыл ішінде бітірген жастар қатыса алады. Олар дипломда көрсетілген мамандық бойынша жұмыс істейді. Үміткерлер 29 жастан аспауы керек.

Бағдарламаға ең жиі қандай маман иелері қатысады? 

Жұмыспен қамту орталығына көбінесе «құқықтану», «қаржы, есеп және аудит» мамандықтары бойынша түлектер, экономистер, педагогтар мен программистер хабарласады.

Нұсқаулық

«Жастар тәжірибесі» бағдарламасына қатысу үшін әкімдік жанындағы жергілікті халықты Жұмыспен қамту орталығына жүгіну, жұмыссыз ретінде тіркелу және қажетті құжаттарды ұсыну қажет.

Кім жұмысқа орналасады?

Жас маманмен келісімшарт 6 айдан аспайтын мерзімге жасалады, ол аяқталғаннан кейін жұмыс беруші онымен шарт жасасуға және тұрақты жұмыс орнына алуға құқылы. Бұл – «жастар тәжірибесінің» үлкен артықшылығы. Өздерінің кәсіби дағдыларын көрсететін жас мамандардан бөлек, тіпті тәжірибесіз де жұмысқа орналасудың үлкен мүмкіндігіне ие болады.

Егер жұмыс сәйкес келмесе ше?

Егер бағдарламаға қатысушы тәжірибе өткен жерде қалмаса, онда оған түрлі бос жұмыс орындары іздестіріледі. Әдетте Жұмыспен қамту орталығының қызметкерлері түйіндемені электрондық еңбек биржасында – enbek.kz сайтында жариялайды.

Әрі қарай жұмыс қалай жүргізіледі?

Жұмыспен қамту орталығында атап өткендей, өкінішке қарай, барлық жұмыс беруші «жастар тәжірибесі» туралы хабардар емес. Осыған байланысты олар алдағы уақытта да университеттермен және колледждермен меморандумдар жасасып, ақпараттық-түсіндіру жұмыстарын жүргізетін болады.