Алдағы сайлау саяси реформаның жаңа кезеңі – Рүстем Қадыржанов

Философия, саясаттану және дінтану институтының бас ғылыми қызметкері Рүстем Қадыржанов наурызда өтетін Парламент Мәжілісінің және мәслихат депутаттарын сайлауға қатысты өз пікірін айтты, деп хабарлады Elorda.info тілшісі.

Философия ғылымдарының докторы, профессор Рүстем Қадыржанов өз сөзінде ел Президенті енді саяси партияларда болмайтынын айтып, бұл саяси партиялар арасында бәсекелестікті артыратынын айтты.

Қазақстанда саяси реформа эстафетасы 2022 жылы қарашада өткен президенттік сайлаудан басталды. Президенттік сайлаудың саяси маңыздылығы Мемлекет басшысын бір жеті жылдық мерзімге таңдау болды. Парламенттік сайлаудың жаңалығы пропорционалды және көпшілік сайлау жүйелерінің үйлесімі болып табылады. Онда депутаттардың 70 пайызы саяси партиялардан сайланады, ал депутаттық корпустың 30 пайызы бір мандатты округтер бойынша сайлауда жеңіске жетеді. Бұл Парламент пен қоғам, ең алдымен оның жергілікті қауымдастықтары арасындағы байланыстарды нығайтуға ықпал ететін депутаттар сайлауында айқындық пен бәсекелестік болатынын көрсетеді.

Сайлаудың маңызды сәті Қазақстанның партиялық жүйесін нығайту болуға тиіс. Өткен жылдан бастап заң шығарушы органның өткен шақырылымдарына қатысқан партиялар қайта форматталды. ҚР Конституциясына түзетулер енгізу және партиялық заңнамаға өзгерістер енгізу нәтижесінде елдің партиялық жүйесінде өзгерістер күтіледі. Ең алдымен, ел Президенті енді саяси партияларда болмайтынын атап өткім келеді.  Бұдан былай бірде-бір партия өзінің артықшылығы ретінде Мемлекет басшысының қатарында екенін пайдалана алмайды. Өткен жылдан бастап біздің түсінігімізден «президенттік партия» ұғымы шықты. Бұл саяси партиялардың сайлаудағы бәсекелестігін күшейтеді. Алдағы парламенттік сайлау өткен жылы басталған саяси реформаның жалғасы болады. Бұл қазақстандық қоғамға үлкен үміт сыйлайды, – деді Рүстем Қадыржанов.