Астана қаласы әкімінің жаңа орынбасары тағайындалды

ҚР Президенті Әкімшілігінің келісімі бойынша әкімнің орынбасары болып Қазақстан Республикасы Әкімшілігінің экс-мемлекеттік инспекторы Евгений Глотов тағайындалды, деп хабарлады Elorda.info қала әкімдігінің ресми сайтына сілтеме жасап.

Евгений Глотов еңбек жолын «Қазақстан жастар конгресі» ЗТБ-да бастады. Әр жылдары «Ауыл жастары одағы» ҚБ, «GP group» ЖШС және т.б. жұмыс істеді.

2015 жылдан бастап Солтүстік Қазақстан облысы әкімінің бас инспекторы қызметін атқарды. 

2015 жылдың қазан айынан 2016 жылдың қазан айына дейін Солтүстік Қазақстан облысы әкімдігінің Кәсіпкерлік және туризм басқармасының басшысы болып жұмыс істеді.

2016 жылғы қарашадан 2019 жылғы сәуірге дейін Солтүстік Қазақстан облысы Петропавл қаласы әкімінің орынбасары лауазымында еңбек етті.

Соңғы жылдары Қазақстан Республикасы Әкімшілігінің Ішкі саясат бөлімі меңгерушісінің орынбасары, Қазақстан Республикасы Әкімшілігінің мемлекеттік инспекторы қызметтерін атқарды.