Асылбек Есенбаев: Есіл ауданындағы маңызды мәселелердің бірі – бағдаршам орнату
Елордалық Есіл ауданы тұрғындары қауіпсіздігінің маңызды мәселелерінің бірі - бағдаршам орнату. Бұл туралы халықпен есеп беру кездесуінде аудан әкімі Асылбек Есенбаев мәлімдеді, деп хабарлады Elorda.info.
Есіл ауданында барлығы 387 аялдама кешені орналасқан, оның ішінде жылы аялдамалар – 51, қала типтес аялдамалар – 228, вандалдарға қарсы – 50.
Биыл жабық үлгідегі 20 аялдама орналастыру жоспарланған. Бүгінгі таңда ауданда барлығы 50 жаңа аялдама кешенін абаттандыру қажет, - деді А.Есенбаев
Аудан әкімі тұрғындар қауіпсіздігінің маңызды мәселелерінің бірі – бағдаршам орнату екенін атап өтті.
Былтыр тұрғындардың сұранысы бойынша ең көп жүретін учаскелерде қосымша 5 бағдаршам орнатылды.
11 учаскеге бағдаршам орнату қажет:
Керей, Жәнібек хандар көшесіндегі «Soho» ТК аумағында;
Ғарышкерлер мен Наркескен көшесінің қиылысы (Шұбар шағын ауданы);
Ұлы Дала даңғылындағы «Тұмар» ТК аумағында;
Оңғарсынова көшесі, 10, «Бестерек» ТК аумағында;
«Үркер» тұрғын алабы:
Есатай батыр - Үкілі Ыбырай көшесінің қиылысы;
Е1 – 201 көшелерінің қиылысы;
Мұрат Насыров – Нұрпейіс Байғанин көшелерінің қиылысы;
201 көшесі – Саттар Ерубаев көшесінің қиылысы;
Е 590 көшесінің қиылысы - Жұмабай Шаяхметов көшесінің қиылысы;
«Пригородный» тұрғын алабы:
Жаңадария көшесі мен Арнасай көшесінің қиылысы.