Зейнетақы жинағының шектік мөлшерінен артылған бөлігін ипотекалық емес несиені төлеуге бола ма

0
79

«Отбасы банк» АҚ басқарма төрайымы Ләззат Ибрагимова онлайн брифингте азаматтардың зейнетақы қорындағы жинақтарының шектік мөлшерінен артылған бөлігін қандай мақсатта пайдалануға болатыны туралы айтты, деп хабарлайды Елорда Инфо.

«Ертең, 23 қаңтар күні сағат 9.00-ден бастап портал іске қосылады. Онда тұрғындар ЭЦҚ арқылы өздерінің есеп-шоттарын тексеріп, басқа да ақпараттар ала алады. Сонымен қатар онлайн форматта өтінім де жіберуге болады», – деді ол.

Сонымен қатар ол зейнетақы қорындағы жинақтың белгілі бір бөлігін ипотекалық емес, бірақ баспанасына жөндеу жүргізу үшін алған несиені жартылай жабуға болатынын атап өтті.

«Ол үшін екінші деңгейлі банкпен несие рәсімдеген кездегі келісімшартта «баспананы жақсарту мақсатында» деген пункт міндетті түрде көрсетілуі керек. Егер келісімшартта ондай пункт бар болса, онда несиеңізді жартылай жабуға мүмкіндік бар», – деді Ләззат Ибрагимова.

«Отбасы банк» АҚ басқарма төрайымының айтуынша, зейнетақы қорындағы жинақтарының шектік мөлшерінен артылған бөлігін азаматтар емдік мақсатта қалай пайдалануы керектігі жөніндегі ереже осы айдың соңында бекітіледі.