Клиникалық хаттама неге 10 рет бекітілді – маман жауабы

0
71

ҚР жұқпалы аурулар бойынша маманы Динагүл Баешева онлайн брифингте клиникалық хаттамаға неліктен 10 рет өзгерту енгізілгенін түсіндірді, деп хабарлайды Елорда Инфо.

«Бұл деген жаңадан пайда болған штам. Сондықтан бұл хаттамада қалай емдеу ғана емес, науқасты емделіп шыққаннан кейін де қанша уақыт қарау керек, оған қандай зерттеулер жүргізу керек, қайсысы дәлелденген және қайсысы дәлелденбеген? Міне, осындай шаралар да бар. Мысалы, талдау жүргізудің өзі қаншама қаражатты талап етеді. Сол себепті де клиникалық хаттамаға өзгерістің енгізіліп отырғаны ешқандай әбестік емес. Ал клиникалық хаттамаға енгізілген өзгерістерді бір адам емес, Қазақстанның 20-дан аса белгілі дәрігерлері Жапония, Корея, Қытай сияқты мемлекеттердің білікті дәрігерлерімен бірлесіп енгізді. Мұндай процесс тек Қазақстанда ғана емес, бүкіл әлем елдерінде жүргізілді», – деді ол.