Жаңалықтар

Футзал: Қазақстан Беларусь құрамасын жеңді

Футзалдан 2022 жылғы Еуропа чемпионатына іріктеу өтіп жатыр, деп хабарлайды Елорда Инфо.

Оның аясында ұлттық құрама Беларусь аяқдопшыларымен кездесті.

Нұр-Сұлтан қаласында өткен матч 5:2 есебімен аяқталды. Алаң иелері сапынан Біржан Оразов, Дәурен Тұрсағұлов, Лео және Шыңғыс Есенамановтар гол соқты. Соңғысы дубльдің авторы атанды.

Айта кетейік, жерлестеріміз бұған дейін іріктеу кезеңі аясында Венгрия құрамасын жеңген. Енді Рикардо Кака баптайтын жігіттер тағы 4 кездесу өткізу керек.

Еуропа чемпионатына әр топтың жеңімпаздары жолдама алады. Құрлықтық доданы алдағы жылы Нидерланд қабылдайды.

elorda.info

Back to top button