Көлгінов: Мектептерді жеке инвестиция тарту арқылы да салу керек

15 тамыз, 08:45252
Автор: Elorda Aqparat
Фото авторы Александр Куприенко/Elorda Aqparat Фото авторы Александр Куприенко/Elorda Aqparat

Елорда әкімі Алтай Көлгінов оқу жылы қарсаңында мектеп директорларымен кездесті, деп хабарлайды Елорда Инфо әкімдіктің сайтына сілтеме жасап.

Қала басшысы халықтың өсуіне байланысты әлеуметтік нысандарға жүктеме артып келе жатқанын атап өтті. Егер 10 жыл бұрын 73 мектеп пен 75 мың оқушы болса, қазіргі таңда 108 мектеп пен 162 мың оқушы бар. Қыркүйек айында бірінші сыныпқа 24 мың бала бармақшы. Сонымен қатар 17 мың педагог еңбек етуде. 

Оқу орындарын бюджет есебінен ғана емес, жеке инвестицияларды тарту арқылы да салу керек. Инвесторлар елордада 11 жекеменшік мектеп салуға ниет білдіріп отыр. Инвестиция көлемі 27,6 млрд теңгені құрайды. 5 жылдың ішінде 37 жаңа мектеп салу жоспарланған. Биыл 3 жаңа мектеп салынады.

Фото авторы Александр Куприенко/Elorda AqparatФото авторы Александр Куприенко/Elorda Aqparat

Кездесу барысында оқу орындарының директорлары мектептерде орын тапшылығы бар екенін, кейбір мектептерде бейнебақылау камераларының жоқтығын, жолдардың нашар екендігін, материалдық-техникалық қамту дәрежесінің төмен деңгейде болуы сияқты мәселелерді айтып жеткізді. Қала әкімі А.Көлгінов орташа жөндеу жұмыстары 32 мектепте, ал күрделі жөндеу жұмыстары 8 мектепте жүргізіліп жатқанын атап өтті.

«Елімізде білім беру жүйесіне ерекше көңіл бөлінеді. Педагогтардың біліктілігі өте маңызды мәселелердің бірі. Балалардың мектеп бағдарламасын қаншалықты жақсы меңгеруі және мектептен қандай білім алып шығатындығы тек сіздерге байланысты. Білім беру процесінің сапасына көңіл бөлу керек. Уақыттың басым бөлігін балалар мектепте өткізеді, олардың жеке тұлға болып қалыптасуы да мектептен бастау алады. Оқушылардың көзқарасы, өмірлік құндылықтары және ұстанымы айналасындағы адамдарға байланысты. Балалардың рухани дамуына да көңіл бөлу керек», - деді Алтай Көлгінов.

Қала әкімі А.Көлгінов аталған мәселелер жүйелі түрде жұмыс істеуді талап ететіндігін атап өтті.

Фото авторы Александр Куприенко/Elorda AqparatФото авторы Александр Куприенко/Elorda Aqparat


БАСҚА ДА ЖАҢАЛЫҚТАР + 3
Наверх