«Дала дәні»: Отандық агросекторға американдық технологиялар енгізіледі

26 тамыз, 09:31291
Автор: Elorda Aqparat
фото Елорда Инфо мұрағатынан фото Елорда Инфо мұрағатынан

Ақмола облысында А.И.Бараев атындағы астық шаруашылығы ғылыми-өндірістік орталығында ҚР Ауыл шаруашылығы Вице-министрі Г. Исаеваның, АҚШ-тың ҚР-дағы Елшісі У. Мозердің, Ақмола облысы әкімінің ауыл шаруашылығы мәселелері жөніндегі орынбасары Г. Әбдіқалықовтың, америкалық «Valmont» компаниясының жаһандық директоры С. Маузестің қатысуымен дала күні мерекесі өтті, деп хабарлайды Елорда Инфо.

Іс-шараға мемлекеттік және бизнес құрылымдардың, шаруа қожалықтарының, салалық ұйымдар мен қауымдастықтардың өкілдері қатысты. ҚР Ауыл шаруашылығы вице-министрі Г.Исаева пленарлық отырыста құттықтау сөз сөйледі.

Мереке аясында пленарлық отырыс болып, онда саланың өзекті мәселелері талқыланды. Мемлекеттік сектор, бизнес-құрылымның аграрлық ғылымды дамытудағы өзара іс-қимылдары, жаңа әзірлемелерді пайдалану, агротехнологиялар туралы сөз қозғалды. АҚШ-тың Қазақстандағы Елшісі У. Мозер АҚШ пен Қазақстан арасындағы халықаралық қатынастарды жоғары бағалайтынына тоқталды.

«Қазақстан өз экономикасын әртараптандыруға ұмтылады және елдің аграрлық секторы зор әлеуетке ие. АҚШ Қазақстанның осы ұмтылыстарын қолдауға дайын. Аграрлық технологиялардың тек экологиялық  тұрғыда ғана емес, сонымен қатар тез, тиімді және үнемді болуы аса маңызды.  Осы ретте американдық технологиялар, соның ішінде Valmont компаниясы қазақстандық әріптестеріне көмектесуге дайын. А.Бараев атындағы ҒӨО - да жасалған жұмыс біздің ортақ мақсатымыздың куәсі болатынына сенімдімін», - деді Елші.

Бұл күні «Valmont» трансұлттық компаниясының оқу залы да ашылды.

«Біздің компания үшін Қазақстандағы ауыл шаруашылығы нарығын дамытуға қатысу үлкен құрмет. Қазақстанда осы даму кезеңінде жұмыс істеу шабыттандырады. Қазақстан Үкіметінің көрсетуі бойынша, біз серіктесіміз «Кусто Групп» компаниясымен бірлесе отырып, елдің ландшафтын өзгертеміз. Жер аумағы бойынша әлемде тоғызыншы ел саналатын Қазақстанның ауыл шаруашылығындағы мүмкіндіктері шексіз», деді «Valmont» трансұлттық компаниясының жобалар мен халықаралық қызметтерді қолдау жөніндегі жаһандық директоры Скотт Маузес.

Сондай-ақ, іс-шараға қатысушылар ҒӨО тарихи мұражайының алғашқы көрермендері болды. Таяуда ғана күрделі жөндеуден өткен мұражайда аграрлық саланың тарихы үшін құнды 300-ге жуық экспонат қойылған.

Дала күнінің екінші жартысында қонақтар нақты егіншілік полигонындағы демонстрациялық алаңда орталықта шығарылған ауыл шаруашылығы дақылдарының жаңа сорттары мен озық технологиялардың мүмкіндіктері, ұшқышсыз ұшу аппараттарының көмегімен ауыл шаруашылығы алқаптары мәліметі жазылған суреттерін алу, алқаптардың жоғары сапалы сандық карталарын алу туралы егжей-тегжейлі ақпарат алды.

Америкалық «Valmont» компаниясының мамандары АШҒӨО алқаптарында орнатылған жаңбырлатқыш агрегатты ұялы телефонның мобильді қосымшасы арқылы іске қосты.

Көрме алаңына сап түзеген Вектор, Агромашхолдинг, John Deer, Кировец, Ростсельмаш, СLAAS, AMAZONE, JCB, Trimble, Алмаз (Алтай машина жасау зауыты), Агропром, Ата-Су, Евразия групп  және тағы басқа отандық және шетелдік компаниялар компаниялар ауыл шаруашылығы техникаларының жаңа үлгілерімен таныстырды. 

Шара соңында қонақтар орталықтың жас ғалымдарының креативті идеясымен жүзеге асқан, бидай сабанынан жасалған алып үкіні жоғары бағалады. 

 


БАСҚА ДА ЖАҢАЛЫҚТАР + 3
Наверх