• USD 385
  • EUR 434

Қылмыс және оқиғалар

Түрмеде асылып қалған сотталушы жасаған қылмысына өкініп, өз-өзіне қол жұмсаған - ҚР ІІМ

22 тамыз, 10:335181
Автор: Elorda Aqparat

Тараз түрмесінде асылып қалған сотталушы, 12 жыл бұрын жасаған қылмысына өкініп, өз-өзіне қол жұмсаған. Қылмыстық атқару жүйесі комитетінің пайымы осы. Жазасын өтеуші аса ауыр қылмыс жасағаны үшін 19 жылға бас бостандығынан айырылған, деп astanatv.kz.

Оқиға ЖД-158-де 7 мекемесіндегі ағаш өндеу цехында, кеше кешкі сағат 6-лар шамасында болған. Алайда ол аумақта бейнебақылау камералары жоқ.

 «Ол өзінің ауылдас досының әйелін зорлап өлтірген. Бұл 2008 жылы болған оқиға. Соны өкініп уайымдап жүрген. Бірнеше рет өз-өзіне қол жұмсамақ болған. Біздің есепте тұрған. 2016 жылдан бері бақылауда ұстадық. Алайда өкінішке орай осындай қараусыз қалған кезінде өз-өзіне қол жұмсап қайтыс болды», - деді ҚР ІІМ Қылмыстық-атқару жүйесі комитеті бастығының бірінші орынбасары Теңізжан Жәнібеков.

Алайда бұл оқиға туралы әлеуметтік желіде бірінші болып құқық қорғаушы Елена Семенова жария етті. Ол өзін-өзі өлтіру нұсқасына сенбейді. Қазіргі уақытта медициналық сараптама тағайындалған.

«Қазақстанның түзеу мекемесінде сотталушының кезекті өлімі. Құзырлы органдар өзін-өзі өлтірді деп айтады, бірақ сотталушылар бұл нұсқаға сенбейді. Мен де сенбеймін. Мекемеде тағы бір нәрсе болып жатыр, сотталушыларға хабарласуға мүмкіндік берілмей отыр. 12 жылдан бері өзіне қол салғысы келсе осынша ұзақ уақыт ойланбас еді. Оны психолог мамандар да айта алады. Жазасының жартысынан көбін өтеген ол бұл қадамға баруы мүмкін емес», деді құқық қорғаушы Елена Семенова.

 

 



Еlorda Aqparat Telegram парақшасына жазылыңыз 




БАСҚА ДА ЖАҢАЛЫҚТАР + 3
Наверх