Билiк және саясат

Мемлекет басшысы Қытайда Ақжарқын Тұрлыбайдың мәселесін көтерді

13 қыркүйек, 16:091177
Фото интернеттен алынды Фото интернеттен алынды

Мемлекет басшысы Қасым-Жомарт Тоқаев Қытай еліне мемлекеттік сапары аясында есірткі тасымалдау күдігімен қолға түскен қазақстандық Ақжарқын Тұрлыбайдың мәселесін көтерді. Бұл туралы ҚР Президентінің көмекшісі Мұрат Нұртілеуов ОКҚ алаңында өткен брифингте мәлімдеді, деп хабарлайды Елорда Инфо тілшісі.  

«Біз жол жүргелі отырғанда Қасым-Жомарт Кемелұлының атына 2014 жылы Гуанжоу әуежайында Қытай құқық қорғау органдарымен ұсталған отандасымыз Ақжарқын Тұрлыбайдың анасынан өтініш түсті. Оның мәтіні БАҚ беттерінде жарияланды. Осыған орай Мемлекет басшысы Бейжіңдегі кездесулерде Қытай тарапына өзінің жеке өтінішін жеткізді. Бұл мәселе жан-жақты талқыланды. Оның нәтижелері бойынша Сыртқы істер министрлігі арқылы осы жұмысты жалғастыру туралы уағдаластыққа қол жеткізілді», – деді Мұрат Нұртілеуов. 

Сөз арасында Президенттің көмекшісі бұл мәселеге Қасым-Жомарт Тоқаевтың ерекше мән беріп отырғанын жеткізді. 

«Сапар нәтижесі бойынша берілетін тапсырмалар тізіміне отандасымыздың тағдырына қатысты мәселе арнайы кіріп отыр», – деп тоқталды Мұрат Нұртілеуов.



Еlorda Aqparat Telegram парақшасына жазылыңыз 




БАСҚА ДА ЖАҢАЛЫҚТАР + 3
Наверх