• USD 385
  • EUR 434

Өңірлер жаңалығы

Жамбыл облысында 180 орындық мектеп 450 оқушыны қабылдаған

06 қыркүйек, 09:4026
Автор: Elorda Aqparat
фото интернеттен алынды фото интернеттен алынды

Жамбыл облысында оқушылар медициналық бекеттен, бүгін мектепке көшірілді. Байзақ ауданы Қостөбе ауылының 500-ге жуық оқушысы енді тар мектепте сабақ оқуға мәжбүр, деп хабарлайды astanatv.kz.

Ауылдағы амбулаториялық бекет білім күні алғашқы қоңырау соғып, мектеп даярлығы сыныптарына баратын 40 шақты баланы қабылдап алған. 3 күн сабақ сонда өткен. Алайда, ата-аналардың қарсылығынан соң, балғындарды тар мектепке бүгін орналастырған.

  «Жоқ, нулевойда оқиды».

  «Бұл балалар медбекетте оқып бастады ма?»

 «Жоқ, бүгіннен бастап мектепте қайта оқимыз». 

 Бұл - шағын ғана білім ошағы 40 жыл бұрын бой көтерген. 180 балаға арналған мектеп, қазір 454 оқушыны сыйдыра алмай отыр. Білім басқармасы болса «Қостөбе» мектебінің қасынан қосымша ғимарат салуға 400 млн теңгеге жуық қаржы қажет дейді. Қазіргі қарбаласты шенділер биыл даярлық сыныбының ашылуынан туған проблема деп түсіндірді. 

«Мектепте 184 орын тапшылығы бар. Қосымша ғимарат құрылысын соғу бойынша ағымдағы жылдың тамыз айында мемлекеттік сараптамамен жобалық-сметалық құжаттама әзірленіп, 2020 жылғы облыстық бюджетке ұсынылды. Даярлық сыныбы бойынша мәселе толығымен шешімін тапты. Кабинет тапшылығына байланысты мектепалды даярлықтың 2 сынып топтамасы 2 ауысым арасындағы сағат 11:25 пен 13:55 аралығындағы мезгілде оқуд»,- деді Жамбыл облыстық білім басқармасы маатериалдық-техникалық жабдықтау бөлімінің бас маманы Әсел Елгенбай.

Дегенмен бұл мәселе түбегейлі жойылды деуге ерте. Бір жарым мың халық тұратын ауылға жаңадан мектеп салу жоспары жоқ. Тек ескі мектебінің жанынан қосымша ғимарат салу ғана жоспарланып отыр. Білім күні даярлық топқа есігін ашқан ауылдағы амбулатория болса, қазір бос тұр. Медициналық бекет «Өнер мектебі» болып өзгерген.  

 

 



Еlorda Aqparat Telegram парақшасына жазылыңыз 




БАСҚА ДА ЖАҢАЛЫҚТАР + 3
Наверх