• USD 385
  • EUR 434

Билiк және саясат

Бас қаланың басшысы елордалықтарды қала күнімен құттықтады

06 шiлде, 09:31139
Автор: Elorda Aqparat
фото интернеттен алынды фото интернеттен алынды

 Нұр-Сұлтан қаласының әкімі Алтай Көлгінов елорда тұрғындары мен қонақтарын бүгінгі мерекемен құттықтап, лебізін жеткізді, деп хабарлайды Елорда Инфо.

Құрметті қала тұрғындары мен қонақтары!

Сіздерді Елорда күнімен шын жүректен құттықтаймын!

Қазақстанның астанасы – Нұр-Сұлтан қаласы – Тәуелсіздік жылдарындағы мемлекетіміздің әлеуметтік-экономикалық және саяси жетістіктерінің бейнесі, еліміздің өсіп келе жатқан қуатын және оның одан әрі дамуының жоғары әлеуетін көрсетеді.

Елорданың тағдыры Елбасы Нұрсұлтан Әбішұлы Назарбаевтың қызметімен тығыз байланысты. Ол еліміздің бас қаласы аумағындағы барлық сәулет нысанын салуға бастамашы болды.

Нұр-Сұлтан қаласы Қазақстанның халықаралық беделін нығайта түседі және мемлекет дамуының локомотивіне айналды, оның болашақ экономикалық тұрғыдағы көрінісі болып саналады. Бұл әлемнің жетекші мегаполистерімен сенімді түрде бәсекеге түсетін қала, 21 жыл ішінде әлемдік қауымдастықтарды даму қарқынымен және жылдамдығымен таңқалдыра отырып, үлкен серпіліс жасай алды. 

Астанамыздың қарқынды дамуы мен өркендеуінің басты күші шығармашылық және кәсіби дағдыларымен үлкен жетістіктерге жетіп жүрген қаланың тұрғындары деп білемін.

Нұр-Сұлтан – біздің мақтанышымыз, ортақ үйіміз.

Осынау мерейлі мерекеде дендеріңізге саулық, отбасыларыңызға амандық, игілік пен сәттілік тілеймін!

 

Нұр-Сұлтан қаласының әкімі                                             А. Көлгінов



Еlorda Aqparat Telegram парақшасына жазылыңыз 




Наверх