Билiк және саясат

Асқар Мамин ірі инфрақұрылымдық жобаларды іске асыру барысын тексерді

09 қазан, 20:1724
Автор: Elorda Aqparat
Фото Премьер-министрдің баспасөз қызметінен Фото Премьер-министрдің баспасөз қызметінен

Асқар Мамин жұмыс сапарымен Шығыс Қазақстан, Алматы және Қарағанды облыстарына барды, деп хабарлайды Елорда Инфо ҚР Премьер-министрінің баспасөз қызметіне сілтеме жасап.

Онда Мемлекет басшысы Қасым-Жомарт Тоқаевтың ел өңірлеріне жұмыс сапарлары аясында берген тапсырмаларын іске асыру барысын тексерді. ҚР Тұңғыш Президенті ‒ Елбасы Нұрсұлтан Назарбаев еліміздің тұрақты көлік инфрақұрылымын дамыту мақсатында бастамашы болған «Нұрлы жол» мемлекеттік бағдарламасын орындауға баса көңіл бөлінді.

Фото Премьер-министрдің баспасөз қызметіненФото Премьер-министрдің баспасөз қызметінен

Шығыс Қазақстан облысының Аягөз ауданында Премьер-министр индустриалды-инновациялық даму мемлекеттік бағдарламасы аясында әлемдегі ең ірі игерілмеген мыс кен орындарының бірі Ақтоғай кенішін игеріп жатқан «KAZ Minerals Aktogay» кәсіпорнының жұмысымен танысты. Кен орнының минералды ресурстары 1,7 млрд тоннаны, кендегі мыстың жалпы мөлшері 5,8 млн тоннаны құрайды. Ақтоғай ТКБК қуаттылығы жылына 25 млн тонна өңделген кенді құраса, 2021 жылдан бастап бұл көрсеткішті екі есеге арттыру көзделген.

Фото Премьер-министрдің баспасөз қызметіненФото Премьер-министрдің баспасөз қызметінен

Шығыс Қазақстан облысында Асқар Мамин «Өскемен ‒ Талдықорған» автожолын салу жобасының іске асырылу барысымен танысты. Биыл 198 шақырым жолда көлік қозғалысын ашуды қамтамасыз ету жоспарланған. Жалпы, ұзындығы 763 шақырым болатын жолда қозғалыс 2020 жылы ашылады. Сонымен қатар «Қалбатау ‒ Майқапшағай» тас жолын реконструкциялау жұмыстары жүргізіліп жатыр. Онда жыл соңына қарай 45 шақырым автожол пайдалануға беріледі.

Өскемен қаласында А. Мамин Шығыс Қазақстан облыстық мамандандырылған медициналық орталығы жанындағы Онкология және хирургия орталығының, Роботтандырылған хирургия, ангиохирургия және трансплантология орталығының қызметімен, ШҚО әкімі Ведомствоаралық ситуациялық және инвестициялық орталығының қызметімен танысты. Премьер-министр өңірдің инвестициялық әлеуеті, өнеркәсіп саласындағы цифрландыруды дамыту, сондай-ақ мектеп оқушылары мен студенттерінің Startup жобаларын іске асыру бойынша презентацияларды өткізуге арналған шоурумды қарап шықты. Сондай-ақ мұнда «Jastar Time» инновациялық орталығы орналасқан, онда 5-11 сынып оқушылары АT бағыттары бойынша оқытылады. Атап айтсақ, 2D/3D графикасы, бағдарламалау, видео жасау және т.б.

Фото Премьер-министрдің баспасөз қызметіненФото Премьер-министрдің баспасөз қызметінен

Алматы облысында Үкімет басшысына ұзындығы 314 шақырым болатын «Өскемен ‒ Талдықорған» автожолының шығыс бөлігін реконструкциялау, ұзындығы 184 шақырым болатын «Үшарал ‒ Достық» автожолының құрылысы жобасы туралы баяндалды.

Қарағанды ​​облысында «Қарағанды ‒ Балқаш» автожолының учаскесіндегі жұмыстар тексерілді. Осы жоба бойынша биыл 40 шақырым жолда қозғалыс ашылады, 2020 жылдың қорытындысы бойынша жолдың барлық ұзындығы бойынша қозғалыс ашылады деп жоспарлануда. «Қарағанды ‒ Теміртау» және «Қарағанды ​​айналма жолы» жобалары бойынша жұмыстар жыл соңына дейін аяқталып, 61 шақырым жол пайдалануға беріледі. 

Фото Премьер-министрдің баспасөз қызметіненФото Премьер-министрдің баспасөз қызметінен

Премьер-министр Шығыс Қазақстан, Алматы және Қарағанды ​​облыстарының жолдарындағы құрылыс жұмыстарының қарқынын арттыруды тапсырды. Сонымен бірге Үкімет басшысы құрылып жатқан көлік инфрақұрылымының сапасын қамтамасыз етудің маңыздылығын атап өтті.

«Келесі жылы біз «Талдықорған – Өскемен» және «Қарағанды – Алматы» жолдарының бойында толық жол жүруді қамтамасыз етуіміз керек», – деді А.Мамин.



Еlorda Aqparat Telegram парақшасына жазылыңыз 




БАСҚА ДА ЖАҢАЛЫҚТАР + 3
Наверх