00:00
Астана -10oC
USD:
475.03
EUR:
517.21
RUB:
5.44
Іздеу

Кассациялық тәртіпте азаматтық және қылмыстық істер алдын ала қаралмайды

19.06.2024 | 13:53
Олжас Сүлейменов
106
Кассациялық тәртіпте азаматтық және қылмыстық істер алдын ала қаралмайды
Фото: ашық дереккөз

Мәжіліс сот жүйесін реформалау және процестік заңнаманы жетілдіру мәселелері бойынша заң жобасын бірінші оқылымда мақұлдады. Түзетулер Мемлекет басшысының сот жүйесін реформалау жөніндегі тапсырмаларын орындауға бағытталған, деп хабарлады Elorda.info.

Заң жобасы аясында Қылмыстық-процестік кодекске, Азаматтық процестік кодекске, Әкімшілік рәсімдік-процестік кодекске және басқа да заңдарға түзетулер енгізіледі.

Жобада азаматтық және қылмыстық істер бойынша істерді алдын ала қарау кезеңін алып тастау ұсынылып отыр. Сотқа жүгінудің бірыңғай ережелері енгізіледі.

Әкімшілік рәсімдік-процестік кодексті әкімшілік рәсімдердің біркелкілігін қалыптастыру жөніндегі жаңа міндетпен толықтырылады. Бұл азаматтарға құқықтық қатынастардың нақты саласындағы дауларды шешу практикасында бағдар алуға мүмкіндік береді. Сондай-ақ талап қоюшының таңдауы бойынша эксаумақтық соттылықты әкімшілік істерге де қолдану ұсынылады, бұл соттарға деген сенімді арттырады.

Сонымен қатар аумақтық әділет органдарына жеке сот орындаушыларының әрекеттеріне (әрекетсіздігіне) шағымдарды қарау құқығы беріледі. Яғни, сотқа талап арыз берілгенге дейін шағымды аумақтық орган қарауға тиіс. Бұл сот талқылауларының санын қысқартып, атқарушылық іс жүргізудің жедел орындалуына ықпал етеді.

Барлық жаңалықтар