Іздеу 
қаз
Елордада жыл басынан бері 6 бала терезеден құлаған
57 
Астанада жыл басынан бері 6 бала терезеден құлап кеткен, деп хабарлады Elorda.info ІІМ баспасөз қызметіне сілтеме жасап.
Жыл басынан бері Елордада балалардың терезеден құлауының 6 дерегі тіркелген. Қуанышқа орай, барлық бала жарақат алғанымен, тірі қалған.
Соның бірінде полицияға үйдің үшінші қабатынан баланың құлап кеткені туралы қоңырау келіп түскен. 2 жасар баланың үйде үлкен балалармен қалған және терезеге көтеріліп, масаға қарсы торға сүйеніп тұрып құлап кеткені анықталды.
Сәби ауруханаға жатқызылды.
Полиция қызметкерлері ата-аналарға балалар қауіпсіздігі ережелерін сақтау қажеттін ескертеді. Құлаудың басым көпшілігі ересектердің балалардың жүріс-тұрысын бақыламауынан, терезелерді жабуды ұмытып кететін жақын туғандарының немқұрайлылығынан, терезелерде блок-құлыптардың болмауынан, балаларға терезеге өздігінен көтерілуге мүмкіндік беретін жиһаздың дұрыс орналаспауынан және терезе жабық тұрғандай иллюзия тудыратын масаға қарсы торлардың болуынан туындайды.
