Елімізде жол қауіпсіздігін бақылау шаралары күшейтілді

Патрульдік полиция бүгіннен бастап күшейтілген жұмыс режиміне көшті. Республикалық маңызы бар жолдарда да қызмет күшейтілді. Іс-шара кезінде күн сайын жол қауіпсіздігін 7 мыңнан астам патрульдік полиция қамтамасыз етеді, оның ішінде 1,5 мыңнан астам полицей – қала сыртындағы автожолдарда тәртіпті бақылайды. 

Осы күндері қауіпсіздік белдіктерін тағуға, балаларды ұстайтын құрылғыларды пайдалануға, көлікті басқару кезінде ұялы телефондарды пайдалануға, жаяу жүргіншілер өткелдерінің жүру ережелерін сақтауға ерекше назар аударылады.

«Жол қозғалысына қатысушылардан қауіпсіздік ережелерін қатаң сақтауды, ауа райының нашарлауы кезінде сақ болуды және елді мекендерден тыс жерлерге шықпауды сұраймыз», – деді  ІІМ баспасөз қызметі.

Іс-шара осы жылдың 29 ақпанына дейін жалғасады.