Жақында денсаулығы сыр беріп, жансақтау бөліміне түскен айтыстың «атасы» атанған ақын Жүрсін Ерман ем алу үшін Еуропа еліне аттанады. Оның шетелге сапарға шығатынын айтыскер Шалқарбай Ізбасаров Instagram-парақшасында мәлімдеді, деп хабарлады Elorda.info.
Оқи отырыңыз: Танымал ақын Жүрсін Ерман жансақтау бөлімінде жатыр
Айтыстың реформаторы Жүрсін Ерман ағамызға амандасып және «Ұлытау облысының құрметті азаматы» атануымен құттықтап шықтық. Аллаға шүкір, жағдайы жақсарып қалыпты. Жақында ем-дом алу мақсатында Еуропаға барғалы жатыр екен. Бар ғұмырын ақсүйек өнерге арнаған ағамыздың амандығын бәріміз бірге тілеп қояйық. Жолыңыз болсын, аман жүріңіз, - деп жазды айтыскер.