Қала тұрғыны жоғалған телефонын табуға жедел көмек көрсеткен полиция қызметкерлеріне алғысын білдірді.
Концертке келген әйел абайсызда «Samsung S-21» маркалы ұялы телефонын түсіріп алған. Жоғалғанын байқаған ол сол кезде ғимаратта қоғамдық тәртіпті қорғап жүрген полицияға хабарлаған. Нұр-Сұлтан қаласы Полиция департаментінің полицейлері Архат Атаманов пен Асылбек Сапарғали әйелдің өтінішіне бірден жауап берген. Санаулы минуттарда олар телефонды тауып, иесіне қайтарған.
Адамдардың шынайы қарым-қатынасы мен жауаптылығын көру өте жағымды әсер болды. Еңбектеріңізге жеміс пен табыс тілеймін! - деп жазған елорда тұрғыны алғыс хатында.