Ел бойынша Сенат сайлауының алдын ала нәтижелері шығарылды

Бүгін еліміздің барлық өңірінен ОСК-ға Сенат депутаттығына үміткерлерге берген дауыстың алдын ала нәтижесі келіп түсті. Парламент Сенатындағы 20 орынға 55 үміткер өзара таласты, деп хабарлады Elorda.info.

Елімізде Парламент Сенатының сайлауы аяқталды. Алдын ала нәтижеге сәйкес, мына адамдар Сенат депутаты атанады:

Астана қаласынан – ҚР Парламенті Сенаты төрағасының кеңесшісі Бибігүл Жексенбай.

Алматы қаласынан – «Алматы даму орталығы» АҚ басқармасы төрағасының кеңесшісі Жанна Асанова.

Шымкент қаласынан – Сенат депутаты Нұрлан Бекназаров.

Абай облысынан – Семейдегі құрылыс колледжінің директоры Қайрат Тастекеев.

Ақмола облысынан – облыстық мәсихаттың хатшысы Талғат Жүнісов.

Ақтөбе облысынан – облыстық мәслихаттың хатшысы Амангелді Нұғманов.

Жамбыл облысынан – Шу ауданының әкімі Сәкен Арубаев.

Атырау облысынан – облыстық мәслихаттың депутаты Әлібек Наутиев.

Алматы облысынан – Сенат депутаты Жанболат Жөргенбаев.

Батыс Қазақстан облысынан – облыс әкімінің бірінші орынбасары Арман Өтеғұлов.

Қарағанды облысынан – облыстық мәслихаттың хатшысы Серік Өтешов.

Қостанай облысынан – облыс әкімінің бірінші орынбасары Ғауез Нұрмұхамбетов.

Қызылорда облысынан –Мәдениет және спорт басқармасының басшысы Руслан Рүстемов.

Маңғыстау облысынан – облыс әкімінің бірінші орынбасары Бекбол Орынбасаров.

Павлодар облысынан – облыстық мәслихаттың хатшысы Ернұр Айткенов.

Солтүстік Қазақстан облысынан – ҚР Оқу-ағарту министрлігі Орта білім комитетінің төрағасы Гүлмира Кәрімова.

Ұлытау облысынан – Сенат депутаты Советбек Медебаев.

Шығыс Қазақстан облысынан – облыс әкімінің орынбасары Шәкәрім Бұқтығұтов.

Жетісу облысынан – Сенат депутаты Амангелді Төлемісов.

Түркістан облысынан – Жетісай ауданының әкімі Мұрат Қадырбек.

Аяулым Серік