Қоғам

Нұр-Сұлтанда балық өнімінің ішінен құрт табылды

23 қазан, 09:35135
Автор: Elorda Aqparat
Фото: vestifinance.ru Фото: vestifinance.ru

Бас қалада дүкеніндегі балық өнімінен паразитті құрт табылды, деп хабарлайды Елорда Инфо Тауарлар мен көрсетілетін қызметтердің сапасы мен қауіпсіздігін бақылау комитетіне сілтеме жасап.

«Елордада «Суюрова Л.Ф.» жеке кәсіпкерлігіне қарасты Гете, 1 Б мекенжайында орналасқан «Агидель» дүкенінде паразиттік көрсеткіштер бойынша сәйкес келмейтін балық өнімі табылды. Шығарылған күні мен жарамды мерзімі көрсетілмеген Минтай атаулы белгісіз балық өнімінен Pseudoterranova құрт тұқымы табылды», - деп хабарлайды ҚР Денсаулық министрлігінің Тауарлар мен көрсетілетін қызметтердің сапасы мен қауіпсіздігін бақылау комитеті.

Комитеттің хабарлауынша, қазіргі таңда жеке кәсіпкерлікке нұсқама берілді. Сондай-ақ, лабораториялық зерттеулер нәтижесінде 203 баптың 1 тармағына сәйкес 45 АЕК яғни 56812,5 теңге көлемінде айыппұл салынды.

«Комитет ҚР «Тұтынушылар құқығын қорғау» туралы заңның 6 бабына сәйкес тұтынушыларға тауар және олардың қызметі жөнінде ақпараттық түсіндірме жұмыстарын жүргізіп, комитет сайтына жарияланатынын хабарлайды. Бұл жұмыс өз кезегінде тұтынушыларға дұрыс тауар таңдауына бағытталады және тауар өндірушілер мен сатушыларға да тиісті шаралар өткізіледі», - делінген хабарламада.



Еlorda Aqparat Telegram парақшасына жазылыңыз 




Наверх